புதிதாக திருப்பூர் (தெற்கு) வட்டம் ...

திருப்பூர் மாவட்டத்தின் மக்கள் தொகை குறுகிய ஆண்டுகளில் பல மடங்கு அதிகரித்தபோதும், திருப்பூர் வட்டம் பிரிக்கப்படாமலே இருந்தது. திருப்பூர் நகராட்சியாக இருந்து, மாநகராட்சியாகி, தனி மாவட்டமாக பிரிக்கப்பட்ட நிலையில் - திருப்பூர் வட்டத்தை இரண்டாகப் பிரிக்க வேண்டுமெனவும், தாசில்தார் அலுவலகத்தில் ஏற்படும் தாமதத்தை தவிர்க்க இந்த நடவடிக்கை அவசியம் எனவும் தொடர்ந்து வலியுறுத்தப்பட்டது.

இதுகுறித்து இன்று 110 விதியின் கீழ் அறிக்கை வாசித்த மாண்புமிகு முதலமைச்சர், “4 லட்சத்திற்கு மேற்பட்ட மக்கள் தொகை கொண்ட வட்டங்களை பிரிக்க அரசு முடிவு செய்து, 62 வட்டங்கள் கண்டறியப்பட்டன. அதில் மாநகரப் பகுதிகளில் உள்ள வட்டங்கள் முன்னுரிமை அளிக்கப்படும்” என தெரிவித்தார்.

மேலும் திருப்பூர் மாவட்டம் திருப்பூர் வட்டம் இரண்டாக பிரிக்கப்பட்டு திருப்பூர் (தெற்கு) வட்டமும். அவனாசி வட்டத்தை இரண்டாக பிரித்து ஊத்துக்குளி வட்டமும் உருவாக்கப்படும் என அறிவித்தார்.

Posted in: கே.தங்கவேல் MLA,செய்திகள்,வருவாய்த்துறை